درباره ما

İmam Sadiq İslam Maarif mərkəzi rəsmi olaraq 06.01.2024-cü il tarixindən fəaliyyətə başlayıb. Hazırda bu sahədə 2 ildən çoxdur ki, aktiv və kəsintisiz olaraq onlayn tədris fəaliyyətimizi davam etdiririk.

Hazırda mərkəzimizdə rəsmi olaraq onlayn təhsil üçün qeydiyyatdan keçmiş 1015 nəfər aktiv tələbəmiz var. Bununla yanaşı, sosial şəbəkələrimizdə və onlayn platformalarımızda fəaliyyətimizi mütəmadi olaraq izləyən və dərslərimizə maraq göstərən 2000 – 3000 nəfərlik aktiv potensial tələbə kütləsinə sahibik.

Bizim əsas xidmətimiz tək bir kurs modelindən ibarət deyil; biz genişmiqyaslı dərslər, qısamüddətli təlimlər, uzunmüddətli marafonlar və kompleks inkişaf proqramları təşkil edirik.

Xidmət portfelimizin strukturu aşağıdakı kimidir:

Davamlı Dərslər (Akademik Tədris):
İl boyu davam edən, sistemli və proqramlı şəkildə keçilən Qurani-Kərim, İlahiyyat elmləri və xarici dil dərsləri.

Spesifik Təlimlər və Vebinarlar:
Müəyyən günləri əhatə edən, fərqli sahə mütəxəssislərinin (məsələn, psixologiya, sağlamlıq) iştirakı ilə keçirilən xüsusi onlayn seminarlar.

İnteraktiv Proqramlar və Marafonlar:
Müəyyən bir hədəfə yönəlmiş, tapşırıqlı və mentor nəzarəti altında keçən intensiv proseslər. Məsələn: 40 günlük “Təfəkkür Marafonu”.

Maarifləndirici Rəqəmsal Məzmunlar (Media):
Sosial şəbəkələrimiz vasitəsilə cəmiyyətə təqdim etdiyimiz ödənişsiz maarifləndirici videoçarxlar və mənəvi dəstək xidmətləri.